Badan Penerjemahan Alkitab pung misi bagini: biking Firman Tuhan deng bahan-bahan rohani laeng yang bisa bantu orang mangarti Tuhan pung Ajarang dalang bahasa yang dong paleng mangarti. Kalo orang batul-batul mangarti Tuhan pung Ajarang, dia kanal Allah labe bae, dia pung hidop baroba, deng dia tau Allah pung mau par dia pung hidop. Dia bisa jadi orang yang seng cuma dengar Allah pung ajarang sa, mar jadi orang yang biking akang dalang dia pung hidop.

Yakobis 1:22a "Jang kamong cuma dengar Allah pung Ajarang sa, mar musti biking akang lai dalang hidop."

Badan Penerjemahan Alkitab (BPA) ni satu lembaga yang badiri tagal karja sama Gereja Protestan Maluku deng Wycliffe Global Alliance. Karja sama ni pung tujuan par biking Alkitab deng materi-materi laeng dalang bahasa hari-hari biar gereja bisa bina umat deng bae.